Hindistanlı kişi mal-qarasını küçəyə buraxdığına görə həbs cəzasına məhkum edildi

Hindistanın qərbində yerləşən Qucarat əyalətində məhkəmə mal-qarasını küçəyə buraxan kişiyə 6 ay həbs cəzası verib.

InterPress.ge xəbər verir ki, bu barədə BBC məlumat yayıb.

Məhkəmədə bildirilib ki, bu cür cinayətlər artdığı üçün cəza ədalət naminə verilib.

Qeyd edək ki, Hindistanda inək müqəddəs heyvandır və Qucarat da daxil olmaqla 18 ştatda onların kəsilməsi qadağandır.

2017-ci ildə Qucarat ştatı inək mühafizəsi qanunlarını sərtləşdirib. İnək kəsildiyi halda vətəndaş ömürlük həbs cəzasına məhkum edilə bilər.