Çində koronavirusla bağlı bəzi məhdudiyyətlər aradan qaldırılır

Çin hökuməti koronavirusun yayılmasının qarşısını almaq üçün tətbiq edilən məhdudiyyətləri yumşaltmaq qərarına gəlib.

InterPress.ger xəbər verir ki, bu barədə məlumatı Reuters yayıb.

Məlumata görə, son günlər virusa yoluxma hallarının artmasına baxmayaraq, Çin hakimiyyəti ölkədə keçirilən genişmiqyaslı nümayişlər əsasında bəzi güzəştlərə getmək qərarına gəlib.

Məlum olduğu kimi, Çinin böyük şəhərlərinin əksəriyyətində son aylarda məhdudlaşdırılan biznes obyektlərinin fəaliyyətini bərpa etməyə icazə veriləcək. Bundan əlavə, ölkənin müxtəlif bölgələri arasında hərəkəti məhdudlaşdıran tənzimləmələr də ləğv edilib.