Kənd əhalisi içməli su tələbi ilə etiraz aksiyası keçirdi

Siğnaği munisipalitetinin Anagi kəndinın əhalisi içməli su tələbi ilə etiraz aksiyası keçirib.

Bu barədə InterPress.ge Birinci Kanala istinadən xəbər verir.

Yerli sakinlər bildirirlər ki, kənddə içməli su sadəcə bir neçə ailəyə çatır, əhalinin böyük hissəsi isə, susuz qalıb.

Onların dediyinə görə, mərkəzi şəbəkədən o qədər az su gəlir ki, suyu vedrələrə doldurmaq üçün saatlar lazımdır.

Anagidə on il bundan əvvəl qoyulan rezervuar isə, yerli sakinlərin dediyinə görə, çoxdan kirlənib.

Aksiya iştirakçıları avtomobil yolunu kəsməyə çalışıblar, ancaq polis onlara mane olub.

Dünən aksiya iştirakçıları ilə yerli hakimiyyətin nümayəndələri görüşdülər.