Martın 1-dən “Lilo Mall”un ərazisində parkinq qiymətləri artacaq

Martın 1-dən “Lilo Mall”un ərazisində parkinq 3 lari deyil, 5 lari olacaq.

InterPress.ge xəbər verir ki, artıq ticarət obyektinin ərazisində müvafiq elan da yerləşdirilib.

“Lilo Mall”un baş direktoru Qiorqi Kvaratsxeliyanın “Business Press News”a müsahibəsində izah etdiyinə görə, infrastruktur qaydaya salınır, bundan başqa, “hər şey bahalaşıb”, buna görə də parkinqdən istifadənin dəyəri də artır.

"Biz dayanacağı, eləcə də infrastrukturu nizama salmağa başlayırıq, hər şey bahalaşıb, ona görə də ödənişlər də artır", - Qiorqi Kvaratsxelia bildirib.

Məlumat üçün bildirək ki, “Lilo Mall”a ildə 4 milyon müştəri gəlir.