Binanın liftində tapılan kişi meyiti ilə bağlı bir nəfər saxlanılıb

Muxianidə yaşayış binalarından birinin liftində tapılan kişinin ölümü ilə bağlı bir nəfər saxlanılıb.

InterPress.ge xəbər verir ki, bu barədə Daxili İşlər Nazirliyi bildirib.

Dünən, martın 22-də liftdə kişi cəsədi tapılıb. Kişinin bədənində xəsarətlərin olduğu, liftdə yanğın izlərinin olduğu bildirilib.

Hadisə ilə bağlı Daxili İşlər Nazirliyi Cinayət Məcəlləsinin qəsdən adam öldürməyi nəzərdə tutan 108-ci maddəsi ilə araşdırma başladıb.