Gömrükdə bəyan edilməmiş bir kiloqrama qədər qızıl-zinət əşyaları aşkar edilib

Maliyyə Nazirliyinin Gəlirlər Xidmətinin əməkdaşları tərəfindən “Sarp” gömrük-keçid məntəqəsində xarici ölkə vətəndaşı L.M.-nin çantasında ətraflı yoxlama nəticəsində bəyan edilməmiş 926,52 qram qızıl-zinət əşyaları aşkar edilib.

InterPress.ge xəbər verir ki, bu barədə Gəlirlər Xidməti məlumat verib. 

Məcburi bəyan edilməli malların ekspertlər tərəfindən qiymətləndirilmiş ümumi gömrük dəyəri 73 367,24 lari təşkil edib.

Materiallar cavablandırılması üçün Maliyyə Nazirliyinin İstintaq Xidmətinə göndərilib.