İrakli Ğaribaşvili: "Məhkəməyə inam tamamilə artıb və vətəndaşlar ölkədə ədaləti tapırlar"

“2012-ci ilə qədər Strasburqa göndərilən işlərin sayı rekord idi. Strasburqa 4-5 min iş göndərilirdi. Niyə, dostlar? Çünki vətəndaşlarımız burada ədalət tapa bilmirdilər. Bu, sadə həqiqətdir”.

InterPress.ge xəbər verir ki, bunu Baş nazir İrakli Ğaribaşvili deyib.

“Bu il Strasburqa cəmi 150 iş göndərilib. Belə bir fərq və belə bir irəliləyiş var. Bu, bir daha sübut edir ki, ölkədə məhkəməyə inam tamamilə artıb və vətəndaşlar ədaləti tapırlar. Mən məhkəməmizlə, bütün hakimlərlə fəxr edirəm. Bu gün korrupsiyadan, müdaxilədən və təzyiqdən azad məhkəməmiz var, bu, əlbəttə ki, komandamızın və hakimlərimizin əməyidir”, - deyə İrakli Ğaribaşvili bildirib.