Gürcüstanda pul ödəyərək hərbi xidməti təxirə salmaq mümkün olmayacaq

Parlamentin Müdafiə və Təhlükəsizlik Komitəsi “Müdafiə Məcəlləsi”nin və ona əlavə olunan 45 qanun layihəsinin ikinci oxunuşunu başa çatdırıb.

InterPress.ge xəbər verir ki, layihəyə daxil edilən dəyişikliyə əsasən, pul ödəmək artıq çağırışçıların milli hərbi xidmətə qəbulunun təxirə salınması üçün əsas olmayacaq.

Birinci versiyaya görə, təxirə salınma haqqı 10.000 lari olmalı idi, lakin bu bənd ləğv edilib.

Təxirə salınma səbəbi dövlət qurumunda, xüsusən də nazirliklərdə, Daxili İşlər Nazirliyində, Ədliyyə Nazirliyinə daxil olan qurumlarda işləmək ola bilər, məsələn, Penitensiar Xidmət, dövlət təhlükəsizliyi, kəşfiyyat və dövlət mühafizəsinin xüsusi xidmətləri.