Uşaqlara verilən pul yardımı 50 lari artırılır

Gürcüstan hökumətinin qərarına əsasən, 2023-cü il iyulun 1-dən uşaqlara verilən pul yardmı 150 laridən 200 lariyə yüksələcək.

InterPress.ge xəbər verir ki, pul müavinətinin alıcısı 16 yaşınadək sosial cəhətdən həssas, ailənin reytinq balı 120.000 baldan çox olmayan uşaqdır.

Proqramın büdcəsi 465 milyon lari təşkil edir.

Təxminən 232 000 uşaq artan yardım alacaq.

Bundan əlavə, hamiləlik, doğuş və uşağa qulluq üzrə məzuniyyətə görə kompensasiya 1000 lari deyil, 2000 lari müəyyən edilib.

Cari ildən etibarən 70 yaşadək pensiyaçılar üçün pensiyanın məbləği 295 lari, 70 yaşdan yuxarı pensiyaçılar üçün isə 365 lari müəyyən edilib.