80 yaşlı anasını döyən şəxs saxlanıldı

Kaspi bələdiyyəsində 60 yaşlarında kişi 80 yaşlı anasını döyməkdə ittiham edilərək saxlanılıb.

InterPress.ge xəbər verir ki, bu barədə TV Monitorinq məlumat yayıb.

Məlumata görə, hadisə ötən gün Zemo Xandakidə baş verib. Əldə olan məlumata görə, kişi dəfələrlə zorakılıq etməkdə ifşa olunub. Yerli sakinlərin sözlərinə görə, o, anasını döydüyü üçün əvvəllər də saxlanılıb. Daxili İşlər Nazirliyindən verilən məlumata görə, hadisə ilə bağlı Gürcüstan Cinayət Məcəlləsinin 126-cı maddəsinin birinci hissəsi (məişət zorakılığı) və 151-ci maddəsinin 2-ci hissəsinin “d” bəndi (ailə üzvünü təhdid etmək) ilə araşdırma aparılır.

O, artıq hüquq-mühafizə orqanlarının əməkdaşları tərəfindən saxlanılıb.