Polşada sərnişini döyən Gürcüstan vətəndaşı saxlanılıb

Polşada 29 yaşlı Gürcüstan vətəndaşı saxlanılıb.

InterPress.ge xəbər verir ki, məlumatı yerli media yayıb.

Onların məlumatına görə, taksi ilə gediş haqqı üstündə gürcü ilə sərnişin arasında şifahi qarşıdurma başlayıb. Sərnişin kartla ödəmək istəyib, lakin gürcü bundan imtina edərək nağd pul tələb edib, bundan sonra o, sərnişinə ağır əşya ilə xəsarət yetirib, telefonunu götürüb və hadisə yerindən qaçıb.

Polşa hüquq-mühafizə orqanlarının əməkdaşları 29 yaşlı gürcünü oğurluq və narkotik saxlamaq ittihamı ilə saxlayıblar. Onun avtomobilinə baxış zamanı telefon və narkotik vasitələr götürülüb.

Gənc gürcü barəsində 3 aylıq həbs-qətimkan tədbiri seçilib. Günahı sübut olunarsa, onu 12 ilə qədər həbs gözləyir.