İrakli Ğaribaşvili Avropa Siyasi Birliyinin ikinci sammitində iştirak edəcək

Gürcüstanın baş naziri İrakli Ğaribaşvili Avropa Siyasi Birliyinin ikinci sammitində iştirak edəcək.

InterPress.ge xəbər verir ki, bununla bağlı hökumət administrasiyası məlumat yayıb.

Məlumata görə, Avropa Siyasi Birliyinin ikinci sammiti mayın 31-də və iyunun 1-də Moldovanın paytaxtı Kişinyovda keçiriləcək.

Baş nazir dəyirmi masa formatında sammitdə nəzərdə tutulan tematik müzakirələrdə iştirak edəcək.

Hökumət başçısı sammit çərçivəsində yüksək səviyyəli ikitərəfli görüşlər də keçirəcək.

Baş nazir Kişinyova nümayəndə heyəti ilə gedib.