Avropa Komissiyası Gürcüstan, Ukrayna və Moldovanın həyata keçirdiyi islahatlara dair şifahi hesabat təqdim edəcək

İyunun 21-22-də İsveçdə Aİ nazirlərinin qeyri-rəsmi iclası keçiriləcək və burada Avropa Komissiyası Gürcüstan, Ukrayna və Moldova tərəfindən həyata keçirilən islahatların gedişi haqqında şifahi hesabat təqdim edəcək.

InterPress.ge xəbər verir ki, bununla bağlı İsveçin Aİ işləri üzrə naziri Cesika Rosval yazıb.

O qeyd edib ki, Avropa İttifaqı yaxın illərdə yeni geosiyasi reallığa uyğunlaşmalı olacaq.

“Güclü dövlətlər arasında rəqabət şəraitində Avropa İttifaqının iqtisadi rəqabət qabiliyyətinin gücləndirilməsi və təhlükəsizliyinin gücləndirilməsi vacibdir. Bu vəzifə həm də Avropa İttifaqının genişlənməsini əhatə edir”, – Rosval yazıb.