Bu gün Gürcüstan, Ukrayna və Moldova ilə bağlı hazırlanmış şifahi hesabat Avropa İşləri nazirlərinə təqdim ediləcək

Oliver Varhey bu gün Stokholmda Gürcüstan, Ukrayna və Moldova ilə bağlı hazırlanmış şifahi hesabatı Avropa İşləri nazirlərinə təqdim edəcək.

InterPress.ge xəbər verir ki, Avropa komissarı qeyri-rəsmi görüşdə Avropaya inteqrasiya baxımından verilən tövsiyələrdən danışacaq.

Dünən Avropa Komissiyası oxşar sənədi Brüsseldəki Aİ səfirlərinə təqdim edib.

Avropa İttifaqının ilin sonunda veriləcək yekun qərarı ilə bağlı gürcü siyasətçilərin gözləntiləri fərqlidir. Müxalifət tövsiyələrin yerinə yetirilmədiyini deyir, amma ümid edirlər ki, Qərb heç olmasa Gürcüstana şans verəcək və Brüsseldə siyasi qərar verəcək.

Digər tərəfdən, hakim komanda proseslərə əngəl kimi müxalifətin adını çəkir.