Gürcüstanda hava pisləşəcək - Sinoptiklər xəbərdarlıq edir

İyunun 29-dan iyulun 1-i səhərədək Gürcüstanda yağış yağacağı, bəzi yerlərdə intensiv olacağı, şimşək çaxacağı, Şərqi Gürcüstanda bəzi yerlərdə dolu düşəcəyi gözlənilir.

InterPress.ge xəbər verir ki, bu barədə Milli Ətraf Mühit Agentliyi məlumat yayıb.

Onların məlumatına görə, iyunun 30-da və iyulun 1-də qərb istiqamətində güclü külək əsəcək, dənizdə 4 ballıq fırtına gözlənilir.

 "Gözlənilən güclü yağışlar Gürcüstanın kiçik çaylarında daşqınlara səbəb ola bilər, ölkənin dağlıq ərazilərində isə sürüşmə prosesləri baş verə bilər", - məlumatda qeyd olunub.