Rusiyanın Kramatorska endirdiyi raket zərbəsi nəticəsində ölənlərin sayı 13 nəfərə çatıb

Rusiya Silahlı Qüvvələrinin Kramatorsk şəhərinə endirdiyi raket zərbəsi nəticəsində ölənlərin sayı 13 nəfərə çatıb.

InterPress.ge xəbər verir ki, bu barədə “PEN Ukrayna” məlumat yayıb.

"İyunun 27-də Rusiyanın Kramatorskda şəhərin mərkəzindəki kafeyə raket hücumu zamanı yaralanan yazıçı Viktoriya Amelina Dneprdəki xəstəxanada dünyasını dəyişib”, - məlumatda deyilir.

Artıq qəza-xilasetmə işlərinin tamamlandığı bildirilir.

Xatırladaq ki, iyunun 27-də Rusiya ordusu Kramatorskda çoxlu sayda insanın olduğu kafeni raketlə vurub. Fövqəladə Hallar Dövlət Xidməti hücum nəticəsində 12 nəfərin öldüyünü, 65 nəfərin yaralandığını bildirib.