İyulun 12-dək Gürcüstanda gözlənilən hava şəraiti açıqlandı

İyulun 8-i gecədən 12-i səhərədək Gürcüstanda qısamüddətli yağış yağacağı və şimşək çaxacağı, Şərqi Gürcüstanın bəzi bölgələrində dolu düşəcəyi gözlənilir.

InterPress.ge xəbər verir ki, bu barədə Milli Ətraf Mühit Agentliyi bildirib.

Qeyd olunub ki, iyulun 9-12-də güclü qərb küləyinin əsəcəyi, dənizdə 3-4 bal gücündə fırtına olacağı gözlənilir.

 "Gözlənilən güclü yağışlar Gürcüstan çaylarında daşqınlara, ölkənin dağlıq ərazilərində sürüşmənin başlamasına və aktivləşməsinə səbəb ola bilər", - Milli Ətraf Mühit Agentliyi bildirib.