Gürcüstanda ötən illə müqayisədə bu il qarpız iki dəfə baha satılır

Gürcüstanda qarpız ötən ilin eyni dövrü ilə müqayisədə iki dəfə baha satılır - məhsulun 1 kiloqramı 0,70 lariyə başa gəlir.

InterPress.ge xəbər verir ki, ötən il onun dəyəri kiloqramı üçün 0,30 lari olub.

Bir qayda olaraq, gürcü qarpızlarının 80%-i Kaxetidən gəlir. EastFruit-in məlumatına görə, bu il tədarük həcmi aşağı olacaq, çünki Kaxetidə bir çox fermer qarpızdan buğdaya keçib. Səbəb qiymətlərdədir - keçən il buğdanın qiyməti kifayət qədər baha idi.

Qarpız idxalının da böyük rolu olub - bu ilin 5 ayında ölkə 849,7 min dollar dəyərində 2811 ton məhsul alıb ki, bu da son 15 ilin ən yüksək göstəricisidir. (qarpız idxalı ilə bağlı məlumatlar 2009-cu ildən bəri xarici ticarət portalında mövcuddur).

İdxal edən ölkələrə gəldikdə isə, belə görünür:

İran - 656,2 min dollar dəyərində 2167 ton

Türkiyə - 186,4 min dollar dəyərində 640 ton

Hollandiya - 7 min dollar dəyərində 4 ton

Yaxın vaxtlarda Qərbi Gürcüstandan olan qarpızların bazara çıxacağı gözlənilir ki, bu da çox güman ki, qiymətlərə müsbət təsir göstərəcək.