İrakli Ğaribaşvilinin Çin Xalq Respublikasına səfəri başlayıb

Gürcüstanın baş naziri İrakli Ğaribaşvilinin Çin Xalq Respublikasına səfəri başlayıb.

InterPress.ge xəbər verir ki, Çenqdu beynəlxalq hava limanında hökumət başçısının qarşılanma mərasimi olub.

Baş naziri hava limanında Çin Xalq Respublikasının təhsil naziri Huai Jinpeng, Sıçuan əyalətinin qubernatoru Huanq Tsyan, Çin Xalq Respublikasının Gürcüstandakı fövqəladə və səlahiyyətli səfiri Çou Qian və Gürcüstanın Çin Xalq Respublikasındakı səfiri Arçil Kalandia qarşılayıb.

Qarşılanma mərasimində tələbə idmançılar da iştirak ediblər. İrakli Ğaribaşvili nümayəndə heyəti ilə Çin Xalq Respublikasındadır.

Məlumatı Gürcüstanın baş nazirinin mətbuat xidməti yayıb.