Bələdiyyə məclisinin sədri siqaret qaçaqmalçılığından saxlanıldı

Siqaret qaçaqmalçılığına görə tutulan Tsalenjikh bələdiyyəsinin Sakrebulo (rayon məclisi) sədri Temur Gvindjilianı 8 ilə qədər həbs cəzası gözləyir.

InterPress.ge xəbər verir ki, bu barədə Gürcüstan Maliyyə Nazirliyinin İstintaq Xidməti məlumat yayıb.

Agentlik bildirir ki, Gvindjilia və bir əməkdaşı Abxaziya ilə inzibati sərhəd yaxınlığında tutulub.

"Aparılan axtarış nəticəsində, dəyəri 34 min lari (11 min dollardan çox) olan 8 310 paket aksiz markalı siqaret ələ keçirildi", - deyə agentlikdən bildirilir.

Faktla bağlı istintaq davam edir. Cinayət altı ildən səkkiz ilədək müddətə azadlıqdan məhrum etmə ilə cəzalandırılır.