Bu həftə Gürcüstanda havanın temperaturu 2-3° aşağı enəcək

Cari həftə ərzində havanın temperaturu ötən həftə ilə müqayisədə 2-3° aşağı enəcək, baxmayaraq ki, ölkə ərazisi isti dalğasının təsiri altında qalacaq.

InterPress.ge xəbər verir ki, bu barədə Milli Ətraf Mühit Agentliyi məlumat yayıb.

Məlumata görə, bəzi günlərdə Qərbi Gürcüstanın düzənliyində havanın temperaturu 34°C, 36°C, Şərqi Gürcüstanın aran bölgələrində isə 35°C, 37°C-ə çata bilər.

 “Ölkənin dağlıq rayonlarında havanın maksimal temperaturu gündüz 31°, 36°, yüksək dağlıq ərazilərdə 26°, 31°-dək yüksələcək.

Gözlənilən yüksək temperaturlar meşə yanğınları və buzlaqların əriməsi ilə bağlı proseslərin aktivləşməsi üçün əlverişli şəraitdir”, - məlumatda qeyd olunub.