Şovidə ölənlərin sayı 27-yə çatıb

Şovidə, təbii fəlakət bölgəsində daha bir cəsəd aşkar edilib. 

InterPress.ge xəbər verir ki,  Daxili İşlər Nazirliyi bu məlumatı təsdiqləyib.

Qeyd edək ki, artıq ölənlərin sayı 27 nəfərə çatıb.

Xatırladaq ki, avqustun 3-də Raçada sürüşmə baş verib. Təsdiqlənmiş məlumatlara görə, ölən 27 nəfərdən 23-nün şəxsiyyəti müəyyən edilib. Ən azı 6 nəfər axtarılır. İtkin düşənlər və ölənlər arasında uşaqlar da var. Təbii fəlakət zonasından ümumilikdə 210 nəfər təxliyə edilib. Hadisə ilə bağlı Cinayət Məcəlləsinin iki maddəsi ilə istintaq başlanılıb.