Borjomidə tikinti işləri zamanı 35 yaşlı kişi 5-ci mərtəbədən yıxılaraq ölüb

Borjomidə sentyabrın 3-də 35 yaşlı kişi beşmərtəbəli binadan yıxılıb.

InterPress.ge xəbər verir ki, bu barədə yerli KİV məlumat verib.

Məlumata görə, hadisə yerinə gələn təcili tibbi yardım briqadası kişini ölü tapıb.Meyit Levan Samxarauli adına Axaltsixe Məhkəmə Ekspertizası Bürosuna təhvil verilib. Ekspert Davit Merabişvilinin sözlərinə görə, cəsəddə çoxsaylı xəsarətlər olub.

Mərhum Borjomidə tikinti-bərpa işləri aparan “Best Build Group” MMC-də işləyirmiş. 

Hazırda Daxili İşlər Nazirliyinin hadisə ilə bağlı hansı maddə ilə araşdırmalara başladığı və Əmək Müfəttişliyi Xidmətinin hadisə ilə bağlı araşdırmalara başlayıb-başlamadığı məlum deyil.