Almaniya Ukraynaya yeni yardım paketi verəcək

Almaniyanın müdafiə naziri Boris Pistoriusun sözlərinə görə, Almaniya Ukraynaya dəyəri 400 milyon avro olan yeni yardım paketi verəcək.

InterPress.ge xəbər verir ki, bu barədə Pistorius mediaya müsahibəsində bildirib.

Onun sözlərinə görə, yeni yardım paketinə partlayıcı sursat, minaatan və raketlər daxildir. Ukrayna həmçinin zirehli maşınlar, minalardan təmizləmə sistemləri, qış geyimləri və generatorlar alacaq.

Məlumata görə, Almaniya yardımdan əlavə, Ukrayna ordusu üçün genişləndirilmiş təlimlər də təklif edə bilər.

Xatırladırıq ki, 2022-ci ilin fevralından 2023-cü ilin sonuna kimi Almaniyanın Ukraynaya göstərdiyi hərbi yardımın ümumi məbləği 5,4 milyard avro təşkil edir.