Ağır yol qəzasında iki gənc həyatını itirdi

Ğvarelidə baş verən qəza nəticəsində iki gənc ölüb.

InterPress.ge xəbər verir ki, hadisə ötən gecə İliya Çavçavadze küçəsində baş verib.

Hadisə şahidlərinin verdiyi məlumata görə, şəhərin mərkəzində hərəkətdə olan "Toyota Prius" markalı avtomobilin sürücüsü sükanı idarə edə bilməyib, avtomobil ağaca çırpılaraq yolun hərəkət hissəsindən çıxıb və aşıb. Nəticədə avtomobil qəfil alışıb və tamamilə yanıb.

22 yaşlı qızla 35 yaşlı oğlanı maşından endirmək mümkün olmayıb. Onların hər ikisi yerindəcə ölüb.