Dələduzluq yolu ilə pul almağa köməklik göstərən 2 notarius və köməkçi tutulub

İki notarius və bir notarius köməkçisi vəzifə səlahiyyətlərindən istifadə edərək külli miqdarda pulun dələduzluq yolu ilə əldə edilməsinə köməklik göstərdiklərinə görə tutulublar.

InterPress.ge xəbər verir ki, məlumatı Baş Prokurorluq yayıb.

İstintaq bildirir ki, notariuslar və köməkçi eyni cinayətkar qrupun üzvlərini mənzillərin sahibləri və müqavilənin tərəfləri kimi təqdim ediblər, etimadı qazanmaq üçün zərərçəkənlərlə bağlanmış müqavilələri notariat qaydasında təsdiqləyiblər.

Mütəşəkkil cinayətkar dəstənin üzvləri notariusların köməyi ilə 94 zərərçəkmişə məxsus 2 milyon 686 min 700 lari pulu dələduzluq yolu ilə ələ keçiriblər.