Keçmiş əri tərəfindən güllələnən qadının vəziyyəti ağırdır

Saqareconun Tulari kəndində keçmiş əri tərəfindən yaralanan qadının vəziyyəti ağırdır.

InterPress.ge xəbər verir ki, o, dünən klinikaya aparılıb və əməliyyat olunub.

Kişi keçmiş arvadını yaralamaqla yanaşı, qadının hazırki ərinə də bir neçə dəfə atəş açaraq öldürüb.

“35 yaşlı gənc qadın təcili yardım briqadası tərəfindən klinikaya çoxsaylı xəsarətlər ilə gətirilib. Müvafiq hazırlıqdan sonra xəstə əməliyyat otağına köçürülüb, ümumi vəziyyəti ağırdır, hər şeyin yaxşı qurtarması üçün hər şeyi edirik”, - həkim deyib.

Faktla bağlı Daxili İşlər Nazirliyində Cinayət Məcəlləsinin 19/109-cu maddəsi ilə araşdırma başlayıb.