Çexiya Prezidenti Salome Zurabişvilini Praqa sarayında qəbul edib

Salome Zurabişvili Çexiya Prezidenti Petr Pavel ilə görüşüb.

InterPress.ge xəbər verir ki, bu barədə Çexiya yerli mətbuatı məlumat yayıb.

Yerli mətbuatın yazdığına görə, Çexiya prezidenti Petr Pavel Gürcüstana Aİ-yə namizəd statusunun verilməsinin tərəfdarıdır və Salome Zurabişvili ilə görüş bunun əyani təsdiqidir.

Petr Pavel Gürcüstan prezidentini Praqa sarayında qəbul edib.
Prezident sarayının həyətində dövlət himnləri səsləndirilib, daha sonra birgə iclasa keçiblər.
Medianın qeyd etdiyi kimi, Salome Zurabişvili səfər çərçivəsində Gürcüstanın Aİ-yə üzvlük statusu, Rusiyanın Ukraynaya təcavüzü və Qafqazdakı vəziyyəti müzakirə edəcək.
Prezident Pavellə yanaşı, Salome Zurabişvili Çexiya Parlamenti Senatının sədri Miloş Vistçil və Çexiya Parlamentinin Aşağı Palatasının sədri Marketa Pekarova ilə də görüşlər keçirəcək.