Brüsseldə “Şərq Tərəfdaşlığı” ölkələri nazirlərinin görüşü keçirilir

Brüsseldə “Şərq Tərəfdaşlığı” ölkələri nazirlərinin görüşü keçirilir.

InterPress.ge xəbər verir ki, görüşdə Gürcüstanın xarici işlər naziri İliya Darçiaşvili iştirak edir.

Məlumata görə, "Şərq Tərəfdaşlığı" Nazirlər Şurasının iclasında beş ölkənin - Ermənistan, Azərbaycan, Gürcüstan, Moldova və Ukraynanın xarici işlər nazirləri iştirak edir.
İclasa Avropa İttifaqının Xarici Əlaqələr və Təhlükəsizlik Siyasəti üzrə Ali Nümayəndəsi Cozef Borrel sədrlik edir, həmçinin Avropa komissarı Oliver Varhei də iştirak edir.
Nazirlərin görüşündə xarici işlər nazirləri Şərq Tərəfdaşlığı ilə bağlı fikir mübadiləsi aparacaq, onun nailiyyətlərini müzakirə edəcək və gələcək üçün konkret tövsiyələr açıqlayacaqlar.