Albaniyada qızıl-zinət əşyaları oğurlayan Gürcüstan vətəndaşları saxlanılıb

Albaniyada iki Gürcüstan vətəndaşı saxlanılıb.

InterPress.ge xəbər verir ki, Albaniya mətbuatının yazdığına görə, 32 və 36 yaşlı şəxslər Albaniyadan oğurlanmış külli miqdarda qızıl-zinət əşyalarını Yunanıstana keçirməyə cəhd ediblər.

Məlumata görə, cinayətkarlar qızıl-zinət əşyalarını avtomobildə gizlədiblər.

Albaniya polisi izah edib ki, saxlanılan şəxslərdə 6 min avro nağd pul, həmçinin oğurluq üçün müxtəlif alətlər və qurğular olub. Saxlanılan şəxslərin avtomobilindən 190 adda qızıl və gümüş üzük, bilərzik, boyunbağı, qızıl sikkələr, Rolex saatı və mirvari boyunbağı çıxarılıb.