Yanvarın 9-dək ölkə ərazisində gözlənilən hava şəraiti açıqlandı

Yanvarın 6-dan 9-dək Gürcüstanda temperaturun əhəmiyyətli dərəcədə artacağı, buludsuz və günəşli hava şəraiti gözlənilir.

InterPress.ge xəbər verir ki, bu barədə meteoroloq Koba Partenadze sosial şəbəkədə yazıb.

"Yanvarın 7 və 8-də Qərbi Gürcüstanda havanın temperaturu +20, +22, şərqdə +12, +14 dərəcə təşkil edəcək.

Belə istiləşmə pis hava şəraitindən əvvəlki bir prosesdir və yanvarın 10-dan bütün Avropada soyuq hava kütlələrinin yayılacağı proqnozlaşdırılır", - deyə o qeyd edib.