Polşada 25 yaşlı Gürcüstan vətəndaşı saxlanılıb

Polşanın Qdansk şəhərində 25 yaşlı Gürcüstan vətəndaşı saxlanılıb.

InterPress.ge xəbər verir ki, məlumatı Polşa KİV-ləri yayıb.

Onların məlumatına görə, taksi sürücüsü işləyən 25 yaşlı gürcü sərnişindən əlavə pul istəyib. O, tələbi rədd etdikdən sonra sürücü aqressivləşib və sərnişini bıçaqla hədələyib.

Hüquq-mühafizə orqanlarının əməkdaşları Gürcüstan vətəndaşının axtarışı zamanı narkotik maddələr də aşkar ediblər. Polşa mediası yazır ki, gənci 20 ilə qədər həbs gözləyir.