Polşa Ukraynaya yeni hərbi yardım paketi verəcək

Polşa Ukraynaya yeni hərbi yardım paketi göndərəcək.

InterPress.ge xəbər verir ki, bu barədə Ukrayna prezidenti Vladimir Zelenski Polşanın baş naziri Donald Tusk ilə görüşündən sonra bildirib.

“Biz Polşanın sarsılmaz dəstəyini və yeni hərbi yardım paketini, eləcə də Ukraynanın ehtiyacları əsasında daha geniş silah alınmasına yönəlmiş əməkdaşlığın yeni formasını yüksək qiymətləndiririk – bu, Polşanın Ukraynaya verdiyi kreditdir”, - deyə Vladimir Zelenski bildirib.

Zelenski Donald Tuska verdiyi dəstəyə görə təşəkkür edib və Ukrayna-Polşa ikitərəfli münasibətlərinə dair məhsuldar danışıqların aparıldığını qeyd edib.

“Həmçinin, Baş nazir Tusk və mən birgə silah istehsalı imkanlarını müzakirə etdik. Ukraynaya verdiyi dəstəyə görə Polşaya təşəkkür edirəm”, - deyə Ukrayna prezidenti bildirib.