Qəzzada BMT-nin sığınacağına hücum nəticəsində ölənlərin sayı artıb

Qəzzada BMT-nin sığınacağına edilən hücum nəticəsində ölənlərin sayı 12-yə yüksəlib.

InterPress.ge xəbər verir ki, bu barədə BMT-nin Fələstinli Qaçqınlara Yardım və İşlər üzrə Agentliyinin rəhbəri Tomas Uayt məlumat verib.

Uaytın  sözlərinə görə, hücum nəticəsində 75-dən çox insan yaralanıb, onlardan 15-nin vəziyyəti ağırdır.

Xatırladırıq ki, BMT-nin Qəzzanın Xan Yunis şəhərində yerləşən sığınacağına hücum bu gün səhər saatlarında həyata keçirilib.
İsrail Müdafiə Qüvvələri insidentdə iştirakını istisna edib və binanın HƏMAS raketi ilə vurulmuş ola biləcəyini bildirib.