Aİ rəsmisi Ukraynaya dəstək ehtiyatlarının tükəndiyini bildirib: "Silah anbarlarımız boşdur"

Kiyevdə səfərdə olan Avropa İttifaqının (Aİ) xarici işlər və təhlükəsizlik siyasəti üzrə ali nümayəndəsi Cozep Borrell (Josep Borrell) Ukraynaya dəstək üçün ehtiyatlarının tükəndiyini deyib.

InterPress.ge xəbər verir ki, o, Aİ-nin “sehrli çubuğunun” olmadığını söyləyib: “Ukraynanın daha çox silaha ehtiyacı var. Biz bunu verməliyik. Amma “sehrli çubuğa” sahib deyilik”.

Aİ rəsmisi, həmçinin diqqətə çatdırıb ki, Avropanın silah anbarları da boşalıb: “Mart ayına qədər Aİ Kiyevə ümumilikdə təxminən 550-600 min mərmi verə biləcək və əvvəllər vəd edilən 1 milyon ilin sonuna qədər ötürüləcək”.

Qeyd edək ki, daha əvvəl Almaniya Müdafiə Nazirliyi də Ukraynaya dəstəklə bağlı imkanlarının tükəndiyini açıqlamışdı.