Gürcüstanda bu gün matəmdir

Gürcüstanda 25 avqust Şatili yolundakı faciə qurbanlarının şərəfinə matəm günü elan edildi.

InterPress.ge xəbər verir ki, müvafiq sərəncamı dünən Baş nazir Giorgi Qaxaria imzalayıb.

Matəm günü ilə əlaqədar olaraq Gürcüstanın bütün inzibati binalarında, o cümlədən Hökumət Administrasiyasının, Prezident Administrasiyasının, Parlamentin, Daxili İşlər Nazirliyinin binalarında dövlət bayrağı endirilib.

Xatırladaq ki, Şatili yolunda baş verən qəzada 17 nəfər ölüb, 3 nəfərin vəziyyəti kritikdir.