Batumidə 712 nəfər könüllü olaraq koronavirus testindən keçdi

"Batumi və Kobuleti bulvarında könüllü olaraq 712 nəfər koronavirus testindən keçib".

İnterPress.ge xəbər verir ki, bu haqda məlumatı Xəstəliklərə nəzarət üzrə milli mərkəzinin rəhbəri Amiran Qamğrelidze açıqlamasında qeyd edib.

Amiran Qamğrelidzenin açıqlamasına görə, 712 könüllü vətəndaşlardan götürülən bioloji nümunələrin yalnız 1-nin cavabı müsbət çıxıb.

Qeyd edək ki, Qara dəniz sahilində vətəndaşlarda koronavirus əleyhinə aparılan test prosesləri aktiv şəkildə davam edir.

Batumidə və Kobuletidə bulvarda çadırlar qurulub ki, vətəndaşlar pulsuz PCR testdən keçmə imkanından yararlanırlar.