Maqdalena Qrono Aİ-nin Cənubi Qafqaz və Gürcüstan üzrə xüsusi nümayəndəsi olacaq

Avropa İttifaqı Şurasının Siyasət və Təhlükəsizlik Komitəsi çexiyalı siyasətçi Maqdalena Qrononu Avropa İttifaqının Cənubi Qafqaz və Gürcüstan üzrə xüsusi nümayəndəsi vəzifəsinə təsdiq edib.

InterPress.ge xəbər verir ki, Namizədlik rəsmi olaraq Avropa İttifaqı Şurası tərəfindən təsdiqlənəcək.

Çexiyanın Avropa İttifaqındakı daimi nümayəndəliyinin yaydığı bəyanatda onun 2017-ci ildən bu vəzifədə çalışan estoniyalı diplomat Toivo Klaarı əvəz edəcəyi bildirilir.

Maqdalena Qrono Cənubi Qafqaz regionu üzrə mütəxəssisdir, Gürcüstanın siyasi və ictimai həyatına yaxşı bələddir. O, bir müddət Gürcüstanda yaşayıb və gürcü dilini yaxşı bilir.