Aİ: Gürcüstanın təşkilata inteqrasiya prosesi faktiki olaraq dayandırılıb

Avropa İttifaqı parlamentin bu gün, sentyabrın 4-də homofob qanunvericilik dəyişikliklərinin ikinci oxunuşda tələsik qəbul edilməsini pisləyib.

InterPress.ge xəbər verir ki, bu barədə Ali Nümayəndəliyin mətbuat katibi Piter Stano açıqlama verib. 

Avropa İttifaqının mövqeyi ondan ibarətdir ki, belə bir layihə rus qanununun vətəndaş cəmiyyəti ilə bağlı qoyduğu məhdudiyyətlərlə birlikdə Avropa İttifaqı ilə Gürcüstan arasında münasibətləri daha da gərginləşdirəcək. Avropa İttifaqı hakimiyyətə xatırladır ki, Gürcüstanın üzvlük prosesi faktiki olaraq dayandırılıb. 

“Avropa İttifaqı “Ailə dəyərləri və yetkinlik yaşına çatmayanların müdafiəsi haqqında” qanunvericilik paketinin ikinci oxunuşunun tələsik qəbulunu pisləyir.

Bu paket Gürcüstan əhalisinin fundamental hüquqlarını pozur və əhalinin bir hissəsinin damğalanması və ayrı-seçkiliyinin gücləndirilməsi təhlükəsi yaradır.

Avropa İttifaqı Avropa İttifaqı ilə inteqrasiya yolunda mühüm nəticələri olan qanunvericiliyin müvafiq ictimai məsləhətləşmələr aparılmadan, Avropa və beynəlxalq standartlara uyğunluğu hərtərəfli təhlil edilmədən qəbul edilməsindən narahatlığını bildirir.

Hər il Avropa Komissiyasının genişlənmə hesabatında qiymətləndirildiyi kimi, insan hüquqlarının təmin edilməsi və qorunması Aİ-nin genişlənmə prosesinin əsasını təşkil edir.

Avropa İttifaqı Gürcüstan hakimiyyətini bu qanunvericilik paketinə tamamilə yenidən baxmağa çağırır. Belə bir layihə “Xarici təsirin şəffaflığı haqqında” Qanunun vətəndaş cəmiyyətinə qarşı tətbiq etdiyi məhdudiyyətlərlə birlikdə Aİ-Gürcüstan münasibətlərini daha da gərginləşdirəcək.

Avropa İttifaqı Gürcüstanın üzvlük prosesinin faktiki olaraq dayandırıldığını xatırladır və hakimiyyəti Avropa İttifaqına inteqrasiya yoluna qayıtmağa çağırır".