Marneulidə baş verən cinayət hadisəsi ilə bağlı bir nəfər saxlanıldı - VİDEO

Marneulidə baş verən qətl hadisəsi ilə bağlı bir nəfər saxlanılıb.

InterPress.ge xəbər verir ki, bu barədə məlumatı Daxili İşlər Nazirliyinin mətbuat xidməti yayıb.

Məlumata görə, faktla bağlı Gürcüstan Cinayət Məcəlləsinin 108-ci maddəsi üzrə iş açılıb. Həmin maddə qəsdən adam öldürmə cinayətini nəzərdə tutur.

Qeyd edək ki, noyabrın 18-də Marneulinin Səməd Vurğun və Rustaveli küçələrinin kəsişməsində iki nəfər arasında baş verən mübahisə bıçaqlanma ilə nəticələnib. Hadisə zamanı bıçaqlanan gənc oğlan həyatını itirib.