Tbilisi və Marneuli sakinlərinə xəbərdarlıq

“Gürcüstan Qaz Nəqliyyatı Şirkəti” odorantların daşınması ilə bağlı açıqlama yayıb və əhaliyə daşınma zamanı qoxuların yayılması ilə bağlı xəbərdarlıq edib.

InterPress.ge bəyanatı təqdim edir:

“Bildirmək istərdik ki, cari ilin 26 noyabr tarixində “Gürcüstan Qaz Nəqliyyatı Şirkəti” MMC tərəfindən Qldani, Qldani 2, Əzizkənd və Muğanlı qazpaylayıcı stansiyaları istiqamətində Tbilisi və Marneuli bələdiyyələrinə odorant daşınacaq.

Bu hərəkət təbii qazın odorizasiyasının davamlı prosesi səbəbindən zəruridir. Daşınma prosesində insan sağlamlığı üçün təhlükə yaratmayan maddənin cüzi qoxusu aşkarlana bilər”, - məlumatda deyilir .