Emmanuel Makron: Dinc nümayişlər qeyri-mütənasib güc tətbiqi ilə yatırılarsa, Gürcüstan Avropa yolunda irəliləməyə ümid edə bilməz

"Əgər dinc nümayişlər qeyri-mütənasib güc tətbiqi ilə yatırılarsa, vətəndaş cəmiyyəti təşkilatlarına, jurnalistlərə, müxalifət partiyalarının üzvlərinə təzyiq edilərsə, ifadə və toplaşma azadlığı qorunmazsa, Gürcüstan Avropa yolu ilə irəliləməyə ümid edə bilməz"

InterPress.ge xəbər verir ki, bu barədə Fransa prezidenti Emmanuel Makron gürcü xalqına müraciətində bildirib.

Emmanuel Makronun sözlərinə görə, o, hesab edir ki, “bütün siyasi qüvvələrlə nəzakətli dialoq” yolu var və bu dialoq bütün gürcülərin məsuliyyətidir.

"Sizə bir daha demək istəyirəm ki, biz sizin avropalı və demokratik istəklərinizi dəstəkləməkdə yanınızdayıq.Əgər dinc nümayişlər qeyri-mütənasib güc tətbiqi ilə yatırılarsa, vətəndaş cəmiyyəti təşkilatlarına, jurnalistlərə, müxalifət partiyalarının üzvlərinə təzyiq edilərsə, ifadə və toplaşma azadlığı qorunmazsa, Gürcüstan Avropa yolu ilə irəliləməyə ümid edə bilməz. Mən inanmaq istəyirəm ki, ölkənin Avropa istəklərinə uyğun olaraq, bütün siyasi qüvvələrlə, vətəndaş cəmiyyəti təşkilatları ilə açıq, nəzakətli dialoq yolu var. Bu dialoq bütün gürcülərin məsuliyyətidir. O, gürcülərə öz taleyini yenidən öz əllərinə almaq imkanı verməlidir. Bu yol sizindir. Buna görə də mənim gürcü xalqına və bu mötəbər Avropa yolunu dəyərləndirən və qorxuya, təbliğata, kiberhücumlara, informasiya manipulyasiyasına boyun əymək istəməyən hər kəsə böyük inamım var.

Yaşasın Gürcüstan və Fransa dostluğu, yaşasın Avropa!” - bəyanatda deyilir.