Helsinki Komissiyasının sədri ilə Zurabişvili arasında telefon danışığı olub

Amerikalı konqresmen və Helsinki Komissiyasının sədri Co Vilson (Respublika Partiyası) Gürcüstan prezidenti Salome Zurabişvili ilə telefon danışığı barədə məlumat yayıb.

InterPress.ge xəbər verir ki, Uilson bu barədə X səhifəsində yazıb.

Onun sözlərinə görə, o , Salome Zurabişvilinin “Gürcüstan üçün yeganə irəliləyiş yolu yeni seçkilərdir” fikri ilə razılaşır.

“Mənim Gürcüstan prezidenti Salome Zurabişvili ilə yaxşı telefon danışığım olub. İndiki siyasi böhran məqamında o, ölkənin yeganə legitim lideridir. Mən onunla razıyam ki, Gürcüstan üçün yeganə irəliyə doğru yol yeni seçkilərdir. Gürcü xalqı onları təmsil edən hökumətə layiqdir”, - Uilson yazıb.