Levan Davitaşvili: Gözləyirəm ki, cəmiyyətlə dialoqa paralel olaraq beynəlxalq arenada da ciddi dəstək alacağıq

"Bizim vəzifəmiz Avropaya inteqrasiyadır, siyasi kursumuz Qərbə doğrudur və bu gün aksiyada iştirak edən cəmiyyətimizin müəyyən qrupları bunu tələb edir. Ona görə də fundamental məsələdə prinsipial fərqimiz olmayanda biz cəmiyyəti daha çox dialoq rejimində birləşdirə bilərik".

InterPress.ge xəbər verir ki, bunu iqtisadiyyat naziri Levan Davitaşvili bildirib.

“Belə olan halda, bu nəticəyə necə nail olmağımızla bağlı yol və metodumuzda fərqimiz var. Düşünürəm ki, dialoq rejimində biz cəmiyyətimizə daha çox izah edə və yolumuzun düzgünlüyünə inandıra bilərik”, - Baş nazirin birinci müavini bildirib.

Eyni zamanda, baş nazirin birinci müavini beynəlxalq səviyyədə tanınmağın vacibliyindən danışıb.

“Beynəlxalq dəstək Gürcüstan cəmiyyətini daha da həvəsləndirəcək və bizim yolumuzun uğura aparan yol olduğuna ümid verəcək. Bu, əlbəttə ki, beynəlxalq tərəfdaşlarımızla səmərəli diplomatiya yolu ilə həyata keçiriləcək. Gözləntilərim ondan ibarətdir ki, biz cəmiyyətlə dialoqa paralel olaraq beynəlxalq arenada əhəmiyyətli tanınma və əhəmiyyətli dəstəyə malik olacağımızı göstərəcəyik”, - Levan Davitaşvili bildirib.

Onun sözlərinə görə, Gürcüstanda cəmiyyətin bir hissəsi, o cümlədən biznes nümayəndələri ölkənin potensial təcrid olunmasından narahatdırlar.

“Ölkənin təcrid olunma riski olmayacaq, əksinə, Gürcüstan öz strateji tərəfdaşları ilə fəal əməkdaşlıq edə biləcək”, - deyə iqtisadiyyat naziri qeyd edib.