Parlament qarşısında etirazçılar yolu bağladılar – Rustaveli prospektində aksiyalar davam edir

Gürcüstan parlamenti qarşısında toplaşan etirazçılar polis kordonuna baxmayaraq, avtomobil yolunu bağlamağa müvəffəq olublar.

InterPress.ge xəbər verir ki, Rustaveli prospektində davam edən aksiyaya İctimai Yayım Şirkətinin binası qarşısından çıxan etirazçılar da qoşulub və nümayişçilər sistemli dəyişikliklər və ədalətin təmin olunmasını tələb edirlər.

Bu gün fasiləsiz etirazların 84-cü günü və nümayişçilər hakimiyyətdən yeni seçkilərin təyin edilməsini və aksiyalar zamanı saxlanılan bütün şəxslərin azad olunmasını tələb edirlər.

Etirazçılar "Hər yerdə polis, heç yerdə ədalət yoxdur!" şüarı ilə aksiya keçirirlər.