Zelenski Ağ Evi tərk etdikdən sonra ilk açıqlaması belə oldu

Volodimir Zelenski ABŞ-a təşəkkür edib və Ukraynanın ədalətli və uzunmüddətli sülhə ehtiyacı olduğunu vurğulayıb.

InterPress.ge xəbər verir ki, bu barədə Ukrayna prezidenti Volodimir Zelenski, X (keçmiş Twitter) hesabında yazıb.

"Təşəkkürlər, Amerika. Dəstəyiniz üçün minnətdaram, bu səfərə görə təşəkkür edirəm. Təşəkkürlər, Donald Trump, Konqres və Amerikan xalqı. Ukraynaya ədalətli və uzunmüddətli sülh lazımdır və biz məhz bunun üçün çalışırıq", – deyə Zelenski yazıb.

Xatırladaq ki, bir qədər əvvəl Ağ Evdə Donald Trump, vitse-prezident J.D. Vance və Zelenski arasında açıq mübahisə baş verib. Münaqişənin ardınca, Ukrayna və ABŞ arasında nadir metallar üzrə razılaşmanın imzalanması və planlaşdırılan birgə mətbuat konfransı ləğv edilib.

Bundan sonra Zelenski Ağ Evi planlaşdırılandan daha tez tərk edib.