Rusiya XİN: “Makronun bəyanatları reallıqdan uzaqdır”

Rusiya Xarici İşlər Nazirliyinin mətbuat katibi Mariya Zaxarova, Fransa Prezidenti Emmanuel Makronun “Rusiya Avropa və Fransaya təhlükə yaradır” fikrinə kəskin reaksiya verib.

InterPress.ge xəbər verir ki, Zaxarova Makronun tez-tez reallıqdan uzaq və bir-birinə zidd bəyanatlar verdiyini iddia edib:

“O, hər gün yeni bəyanatlar verir, amma bunlar tamamilə reallıqdan uzaqdır və öz əvvəlki açıqlamalarına da ziddir. Sanki bir nağılçıdır”, – deyə Zaxarova bildirib.

Xatırladaq ki, Makron son çıxışında Rusiyanın yalnız Ukrayna üçün deyil, həm də Avropa və Fransa üçün təhlükə yaratdığını bildirmişdi.

“Təhlükə yalnız öz azadlığı uğrunda cəsarətlə mübarizə aparan ukraynalılara deyil, eyni zamanda bizim təhlükəsizliyimizə də təsir edir. Avropada sülh artıq təminat altında deyil. Rusiyanın yaratdığı təhlükə Avropa ölkələrinə və birbaşa bizə təsir edir”, – Makron vurğulamışdı.