Marneulidə ağır yol qəzası baş verdi - Gənc oğlan həyatını itirib

Marneulinin Sadaxlı kəndində yol-nəqliyyat hadisəsi baş verib.

InterPress.ge xəbər verir ki, iki avtomobilin toqquşması ilə nəticələnən qəza zamanı 23 yaşlı gənc oğlan ağır xəsarət alıb.

Yaralı dərhal xəstəxanaya çatdırılsa da, həkimlərin səylərinə baxmayaraq, onun həyatını xilas etmək mümkün olmayıb.

Faktla bağlı araşdırmalara başlanılıb. Polis hadisənin səbəblərini müəyyənləşdirmək üçün istintaq aparır.