Tramp ABŞ-a idxal olunan avtomobillərə 25%-lik tarif tətbiq etdi

ABŞ Prezidenti Donald Tramp ölkəyə idxal olunan avtomobillərə və avtomobil hissələrinə 25 faiz gömrük rüsumu tətbiq olunacağını elan edib.

InterPress.ge xəbər verir ki, Trampın sözlərinə görə, bu yeni tariflər 2 apreldən qüvvəyə minəcək.

Prezident bildirib ki, bu addım avtomobil sənayesində “nəhəng artıma” səbəb olacaq və ABŞ-da iş yerləri və investisiyaların artmasına təkan verəcək.

Jurnalistlərin onun qərarından dönmək ehtimalı ilə bağlı sualına cavab olaraq Tramp deyib: “Xeyr. Bu daimi qərardır.”

“Əgər avtomobili ABŞ-da istehsal edirsinizsə, bu tarif tətbiq olunmayacaq,” – deyə ABŞ Prezidenti vurğulayıb.