Parlament qarşısında etiraz aksiyası bərpa olundu – etirazçılar Rustaveli prospektini bağlayıblar

Tbilisidə Gürcüstan parlamenti qarşısında etiraz aksiyası yenidən başlayıb.

InterPress.ge xəbər verir ki, aksiya iştirakçıları Rustaveli prospektini bağlayaraq, “Oliqarxiyaya od olsun!” şüarları səsləndirirlər.

Qeyd olunur ki, qanunverici orqanın qarşısında etiraz aksiyaları artıq ardıcıl 120 gündür ki, davam edir.

Etirazçıların əsas tələbləri dəyişməz olaraq qalır: ölkədə yeni parlament seçkilərinin keçirilməsi və aksiyalar zamanı saxlanılan şəxslərin azad olunması.

Aksiya iştirakçıları əllərində etiraz plakatları, eləcə də Gürcüstan, ABŞ və Avropa İttifaqının bayraqları ilə parlament qarşısına toplaşıblar.